Ali-ra per Glosa

GENE VI EBRIA

2012-02-07T01:45:00.008-02:00

Pe debi es holo tem ebria.

Panto ra es in la:

id es u solo qestio.

Pro ne sensi

un horibili onero de Tem

qi kontusi vi skapa

e klina vi a solu,

vi debi gene ebria sine sto.

Sed per qo?

Per vini, per poesi, alo per virtu, komo vi fu volu id.

Anti-co gene vi ebria.

E si ali kron,

epi plu skala de palati,

epi kloro herba de fosi,

in kalido solita de vi kubikula,

vi sti vigi,

un ebria jam diminu alo dispare,

demanda a venti,

ad unda,

ad astro,

ad avi,

a horologi,

a panto-ra, qi fugi,

a panto-ra, qi geme,

a panto-ra, qi rola,

a panto-ra, qi kanta,

a panto-ra, qi parla,

demanda qo horo id es;

e venti,

e unda,

e astro,

e avi,

horologi,

a vi fu reakti:

"Id es horo te gene ebria!

Pro ne es plu martira dulo ex Tem,

gene vi ebria;

gene vi ebria minus cede!

Per vini, per poesi, alo per virtu, komo vi fu volu id."

Charles Baudelaire, France poeta, (1821-1867).

Glosa//What is Glosa?//¿Qué es Glosa?

CINA FESTA NEO ANUA DE DRAKO

2012-01-23T15:08:00.001-02:00

Cina Neo Anua es maxi gravi festa in u-la landa.

Asia celebra di bi, 23 M1, fini de Kuni Anua e proto de Drako Anua, mo inter mo-bi zoa, qi komposi luna-helio kalendari. Akorda Cina astrologi, singu anua gene domina ex mo inter plu zoa, qi es: Mus, Bovi, Tigri, Kuni, Drako ("long": 龍), Serpenti, Equs, Ovis, Piteka, An-galina, Kanis e Porku.

Boni Drako Anua a panto-pe!

Plastika-karta kalendari de Cina Radio Internatio
pro Anua de Drako. U-ci jam es u-mi!

Versi de kalendari.

                                                                    ***

Po ge-grafo: plu pikto es de CRI. Info es de Wikipedia, CRI e hetero fonta.

                               Glosa//What is Glosa?//¿Qué es Glosa?

QE NA POVE JANIS JOPLIN NE MERITA ID?

2012-01-23T02:58:00.007-02:00

Mi sio volu te face kanta de mega sociali e poesi importa

Id mode komo u-ci:

O Kirio, qe tu ne fu merka a mi mo Mercedes-Benz?

Pan ami de mi duce plu Porsche, mi debi gania rekompensa

Mi pa ergo forti mi holo vita, sine auxi de plu ami de mi

So Kirio, qe tu ne fu merka a mi mo Mercedes-Benz?

O Kirio, qe tu ne fu merka a mi mo kroma TV?

Spektakula 'Diali pro Dolara' du tenta detekti mi

Mi atende un aporta singu di pre hora tri

So Kirio, qe tu ne fu merka a mi mo kroma TV??

O Kirio, qe tu ne fu merka a mi mo noktu in civita?

Mi du fide tu, Kirio, place ne frustra mi

Proba; tu amo mi e merka plu seqe bibe-ma

O Kirio, qe tu ne fu merka a mi mo noktu in civita?

Panto-pe:

O Kirio, qe tu ne fu merka a mi mo Mercedes-Benz?

Pan ami de mi duce plu Porsche, mi debi gania rekompensa

Mi pa ergo forti mi holo vita, sine auxi de plu ami de mi

So Kirio, qe tu ne fu merka a mi mo Mercedes-Benz?

U-ci es id!

***

Lase na preka ko fe, so fe pote gania fe merita Mercedes-Benz e na pote plus iti per id. O Kirio, ne volu es avari, face ali-ra uti-ple minimo mo kron e merka id a fe! Klik ci te audi kanta.

Glosa//What is Glosa?//¿Qué es Glosa?

CINA MAGNETI LEVITA TRENA

2012-01-22T00:19:00.000-02:00

D6 (20, M1), Cina pa komunika sucede in stru prima magneti levita trena de baso e meso veloci (MagLev), ge-face totali in landa.

MagLev de Scanghai,
Cina, ge-face per Dojc teknologi,
anti-co, nu Cina pote face id per auto teknologi.

Trena es komposi per tri vagona e habe kapacita te fero cirka 600 viagia-pe; e id veni a maxi veloci de 100 km/h.

Seqe-co, Cina eleva a tetra numera de landa, qi domina u-ci teknologi.

Info es de CRI: "Cina Radio Internatio".

Po ge-grafo: Scanghai = Shanghai//Dojc = Deutsch.

Glosa//What is Glosa?//¿Qué es Glosa?

NIGERIA: PLU ATAKO IN CIVITA KANO

2012-01-21T16:25:00.000-02:00

Il pa es seri de atako in civita Kano, nord Nigeria. Ne mei de 20 forti explode pa gene audi tem de plu minuta. Il sio es akorda pato-do fonta minimo 162 viktima. Plu akti pa gene postula de Islam sekta "Boko Haram", fo presenti in u-la loka; e qi pre-nu face plu simi operatio in landa.

Poli atako in Nigeria civita, Kano,
pa face ma de 100 morta-pe, tem 20, M1, 2012.

Info es de RFI, "Radio France Internatio".

Glosa//What is Glosa?//¿Qué es Glosa?

PLU KOMIKA KRISTO-BIBLI DRAMA

2012-01-18T23:01:00.001-02:00

Qe tu volu habe kakina de Deo? Skope u-ci:

PLU KOMIKA KRISTO-BIBLI DRAMA.

Ci infra, exempla de ra; qi tu fu detekti la:

ELISCA E PLU URSU

U-la kron an pa ki ana a Betel; e, tem an pa ki ana per via, la pa veni avanti ex civita plu infanti; e mu pa ridi anti an; e mu pa dice ad an: ki ana, kalva, ki ana, kalva! E an auto pa sti retro; an pa vide mu; e an pa mali-dice mu per nima de Kirio; po-co bi fe-ursu pa ki ex bosko; e plu zoa pa lacera tetra-ze e bi infanti inter mu.
2Plu Regi 2:23-24 (ge-mixa versio).

Veri, mi doxo; u ra ne pa es ta komika pro plu infanti... A na solo resta qestio: qo-ka pe kredi in exotiki ra?

Glosa//What is Glosa?//¿Qué es Glosa?

GINA KI A PATO-DO PO FELI PA KADE EPI FE KEFA

2012-01-15T01:42:00.008-02:00

"Id pluvi plu feli e kani",
komo dice plu England-pe,
kron id pluvi excesi.

Argentina-fe, 85-eva, pa gene kolpa ex feli ge-bali de pedi-lo tetra; e fe pa gene kraniu fraktura. Fe pa debi ki a pato-do, ka fe stato pa es gravi.

Faktu pa acide in Belgrano mero, Buenos Aires kapitala, tem un an-sponsa, kron viole sponsa lukta, pa tena domi-zoa de an fe-sponsa, e an pa bali id kontra fe.

Zoa pa ki dia ge-aperi fenestra, e id pa kade rekti epi u paleo gina, para-pe de bi sponsa; e nu fe es in forti-kura-unita de pato-do, il es jam po seti meno fe es la, kausa plu gravi lesio fe pa sufero.

Glosa//What is Glosa?//¿Qué es Glosa?

KARCE PRO PLU FOLI-PE

2012-01-13T03:30:00.013-02:00

In ambula, kron an du tena lanterna in manu,

pa dice paleo Helenia filosofi-pe Diogenes:

Mi cerka homi!

Hej, Diogenes, na es ci!

Bender pa dice:
Tem mu gene detekti po mo miliona anua,
plu spaci bio-ra fu ski homo id pa acide!
Bender regula!

Homi es sine-pluma bi-pedi-pe!
-- pa dice paleo Helenia filosofi-pe Platon.

Eke, u-ci es homi akorda Platon!
-- pa dice Diogenes.

Il es la plu galina in mi kaverna!
-- pa dice Platon akorda logika, si homi es sine-pluma bi-pedi-pe...

Mi es Mega Alexandros III de Makedonia,
un impera, habe-pe de panto-ra in u-ci landa!
Qo-ra tu volu; mi dona a tu, ho filosofi-pe, Diogenes de Sinope?
E Diogenes:
Mi volu; tu sto es ante mi... mi solo volu gene bruno per heli-balno...
Qe, sibi, tu plus per fortuna habe mari glisa-vibi? Mi sensi boni vibra. Uhuu!!!

Mi ne ski komo pe pote dice nuli-ra ta absurdi,
qi ne pote gene dice ex filosofi-pe!
(alo religio-pe, Kikero, ne veri?)
A-kron qo-tem tu fu abusi na tolera, Katilina?...
he, mi pa volu dice: Platon?

Plu-la filosofi-pe afola se!

Ja, Obelix, na gru ko tu,
mi karo ge-amo pusi paki!
Lase na habe amusa;
e lase plu filosofi-pe afola se!

Ha, plu fe-ami! Mi ne es paki...
mi solo place fago poli ferali porku!
Fago es amusa!

Qe Ikaros ne es plus fo paki, Obelix?
Ko ta mega pigi an pa debi veri kade in mari...
Penite! Si an sio pa lekto Platon, an pa ski;
homi es galina, e u-ci zoa ne pote vola...

Po ge-grafo:

Mari-glisa-vibi-pe:
Qo-lo es mi ami Diogenes?
U mari es koleri nu-di!
Uhuu!

Glosa//What is Glosa?//¿Qué es Glosa?

KONTROLA ES ILUSIO...

2012-01-11T04:08:00.000-02:00

Mi fu loka tu in trance!

"(...) Bio es kaos.

Kaos es bio.

Kontrola es ilusio."

Trance Gemini, fikti-pe de seri 'Andromeda'.

Alo, homo sio dice plu Borg:

Kapitana Picard homo Borg:
"ha, u kefa-algo, mi sio ne pa
ki ex sopo-mo nu-di!"

"Resista es vani,

tu fu gene asimila!".

Glosa//What is Glosa?//¿Qué es Glosa?

QO-MODE SIO ES PROTO VERI INTER-LINGUA?

2011-12-29T20:15:00.001-02:00

Plu Glosa-pe, infra vi pote lekto mero de bibli**, qi mi entusi rekomenda a vi pro lekto. Id habe poli boni idea de plu lingua.

"(...) Progresi in un orbi proto veri Inter-lingua sio es pasaporta a ma lati inter-natio kultura ge-face in reali alo psiko-logi mode panto-lo ex difusi, nu-tem kinema e aero-viagia.

Per auto, no tali muta pote fero u long-eva kalamita de milita a fini; e id es risko ero te idea; id pote face so. Na ne pote spe veni a remedi pro lingua obstakula ad inter-natio ko-labora per demo-krati konditio, tem rapina valuta kapitali, plu intriga de arma-produce-pe, e privilegi interese de rentiera klasi in penia de plu koloni popula dura te strangula volu ad ekumenika tenta pro komuni pluto de homi. Nuli lingua reforma pote aboli milita, tem plu sociali agenti tele ma pote de elementa lingua mis-komprende dona neo okasio pro id. Qod intelige lingua skema pote face es forma neo ru pro homi ko-labora in planeta gradu, kron plu sociali organiza propitia ad inter-natio disputa no plus kontrari u stru buta de skema sani, libe-tem e pleto pro panto-pe."

Fini de kapitula 11*: "Language planning for a new world order" [Lingua skema pro neo orbi ordina], de bibli**: "The Loom of Language" [U surge de lingua], ex Frederick Bodmer, qi pa habe homo editora Lancelot Hogben, krea-pe de Interglossa, proto-forma de Glosa.

* Plu doxo ge-expresi in u-ci kapitula es resulta de inter-diskusi de autori e editora. U sekunda pa tenta dona forma a mu in projekti: Interglossa (...).

Glosa//What is Glosa?//¿Qué es Glosa?

CINA PROBA FERU-VIA, QI POSI TENA VELOCI ULTRA 500 km/h

2011-12-27T10:47:00.003-02:00

Mo Cina [China] feru-via stru-kompani pa proto plu prima proba de trena, qi fu pote veni a 500/h; faktu, qi gene id mo inter plu rapidi in orbi. Proba-trena, ko six vagona habe ergo-pote de 22 800 kilowatt, ma de diplo de plu-la, qi nu integra alti veloci via inter Beijing e Shanghai.

Trena fu es mo inter plu rapidi in orbi.

Pe pa detaila: neo trena gene modela ex paleo Cina gladia; e plastika vagona de vehikula fu habe ma-forti per karboni-fi. Cina es landa inter plu, qi ma developo un alti veloci feru-via; klu id habe a-nu maxi mega orbi reti (9 600 kilometra) in solo tetra anua po anigo de proto via de u-ci speci.

Glosa//What is Glosa?//¿Qué es Glosa?

PLU FE-FILI DE LOT

2011-12-26T11:40:00.009-02:00

Kristo-Bibli, bibli Genesis 19: 28;38.

E an pa skope a Sodoma e Gomorrah e a panto landa de kampu; e an pa vide; fumi ex solu pa ki ana, homo u-la, ex furna.

E pa acide; Teo tem id du destru plu civita de kampu, pa memo de Abraham, e an pa prende Lot ex destru, e id pa gene kata plu-la civita in qi Lot pa habita.

E Lot pa ki kata ex Zohar, e an pa eko supra monti, e an bi fe-fili kon an; ka an pa fobo eko in Zohar; e an pa eko in kaverna, an e an bi fe-fili.

U-la kron, u proto ge-nati pa dice a ma neo eva: Na patri jam es paleo, e il ne es andro, qi ki in na, akorda habitu de landa pan;

Veni, lase na dona vini pro na patri bibe id, e lase na kli kon an, ka so vive na konserva prolifika de na patri.

Lot e an bi fili: orgi - per Sodoma e Gomorrah mode.
Prende vini, lase na festa!

E mu pa dona vini pro mu patri te bibe tem u-la noktu; e pa veni u proto ge-nati e fe pa kli ko fe patri, e an ne pa senti, tem fe pa kli, ni tem fe pa ki ana.

E seqe, tem hetero di; u proto ge-nati pa dice a sibi ma neo: Eke, mi jam pre-noktu pa kli ko mi patri; lase na dona ad an vini plus u-ci noktu, e u-la kron tu veni, kli kon an, ka so na konserva vive prolifika de na patri.

E mu pa dona vini a mu patri plus u-la noktu; e pa ki ana u ma neo, e fe pa kli kon an; e an ne pa senti, tem fe pa kli, ni tem fe pa ki ana.

E pa gene pregna bi fe-fili de Lot ex mu patri.

E u proto ge-nati parturi mo an-fili, e fe pa nima an Moab; u-ci pe es patri de plu moab-pe a-kron nu-di.

E u ma neo plus parturi an-fili, e fe pa nima an Ben-Ami; u-ci pe es patri de plu fili de Amom a-kron nu-di.

Glosa//What is Glosa?//¿Qué es Glosa?

BRASIL PASA GE-UNIO REGI-LO (United Kingdom) E ID ES NU EKONOMI MAXI MEGA SIX

2011-12-26T02:03:00.001-02:00

Ge-Unio Regi-Lo relega a loka seti in orbi lista de plu duce ekonomi, anua 2011, akorda grega de plu ekonomi-pe.

Banka krasc de 2008 e seqe recede pa relega Ge-Unio Regi-Lo a loka seti in 2011, retro u maxi mega Sud-Amerika ekonomi, qi pa kresce rapidi kausa plu exporta a China e a tele est.

Plu info es de nova papira "The Guardian", si tu volu lekto id in englisc, iti a: BRASIL PASA GE-UNIO REGI-LO (United Kingdom) E ID ES NU EKONOMI MAXI MEGA SIX.

Plus la, nova papira "Daily Mail": BRASIL PASA GE-UNIO REGI-LO HOMO MAXI MEGA EKONOMI SIX, TEM BRITANIA KADE RETRO MO SUD-AMERIKA NATIO IN PROTO VICE.

Glosa//What is Glosa?//¿Qué es Glosa?

NINA SIMONE - MI NE HA'..., MI HABE BIO!

2011-12-25T01:59:00.005-02:00

Mi ha' nuli eko-lo, mi ne ha' plu pedi-ve,

Mi ha' nuli valuta, nuli klasi,

Mi ha' nuli gonela, mi ne ha' sti-sudo,

Mi ha' nuli perfuma, nuli sopo-mo,

Mi ne ha' menta.

Mi ha' nuli matri, mi ne ha' kultura,

Mi ne ha' plu ami, mi ne ha' sko,

Mi ha' nuli amo, mi ne ha' nima,

Mi ha' nuli bileta, mi ne ha' numi,

Mi ne ha' teo.

E qo-ra mi ha'?

Qo-ka es mi ali-mode vive?

Ja, qo-ra mi veri ha'?;

qi nuli-pe apo pote?...

Mi ha' mi kapila. Mi ha' mi kefa,

Mi ha' mi enkefa, mi ha' mi oti,

Mi ha' mi oku, mi ha' mi rino,

Mi ha' mi buka, mi ha' mi smi.

Mi ha' mi lingua, mi ha' mi mentu,

Mi ha' mi kola, mi ha' mi poda,

Mi ha' mi kardia, mi ha' mi anima,

Mi ha' mi dorsa, mi ha' mi sexu.

Mi ha' mi plu braki, mi ha' mi plu manu, mi plu digi,

mi ha' plu poda, mi ha' plu pedi, mi ha' mi pedi-digi,

mi ha' mi hepa, mi ha' mi hema...

Mi es libe. Mi habe bio!

Mi habe bio,

Mi habe mi libe

Mi habe bio

E mi fu tena id

Mi habe bio

E nuli-pe fu apo id

Mi habe bio!

Si tu volu audi u kanta in englisc, iti a:

Mi ne ha'..., mi habe bio!.

Po ge-grafo: Ha' vice habe es poesi licentia e na ne debi uti id homo boni exempla in Glosa. In ur-kanta fe uti argot pro expresi e mi pa uti ha' homo un imita de fe mode. Si tu skope vide-banda tu fu vide; fe habe plus cigareta e sika-te... :)

Glosa//What is Glosa?//¿Qué es Glosa?

BI-KEFA BABI

2011-12-21T02:50:00.001-02:00

Babi ko bi iso kefa pa gene nati in stato Pará, in Brasil. Infanti habe perfekti sani-konditio. Bi kefa es ge-junge in torso; proto examina detekti; un infanti habe solo mo kardia e plu vit organi, qi funktio per ple konditio. Matri jam pa dona sito ad id; e nu id iti a kapitala de stato te habe plu examina in pato-do, qi es ma ge-struktura.

Matri nuli-tem pa resta tristi kausa faktu, kontra-co babi pa gene cepti per mega hedo in famili. "Desira de matri pa es fero infanti a domi sine sto ali-lo, fe ni pa volu iti a kapitala", pa dice medika-pe. Fe pa mama-sito bi infanti, qi pa gene nati ko 4,5 kg, sine komplika.

Pe konsidera un acide homo nuli-ante in Brasil, ka mo acide jam registra in landa a kron nu-di, un infanti sio es morta no-poli hora po parturi, kausa manko de oxigena in mo de bi kefa.

Glosa//What is Glosa?//¿Qué es Glosa?

"DICE PER" ALO "DICE DE": NECE ELEKTI DE PLU AUXI-LINGUA.

2011-12-19T02:44:00.003-02:00

"TIGRI NE PROKLAMA ID TIGRI

KARAKTERI;

ID SALTA SUPRA ID PREDA."

Wole Soyinka,
Nigeria poeta, drama e novela grafo-pe.

Qe lingua debi holo tem proklama id lingua karakteri? Mi ne doxo so; id solo debi salta de na buka alo manu a hetero pe alo grafo. U-la ra es "dice-per" (komunika) e ne "dice-de" (lingua-deskribe).

Hetero-co, id es homo Nike teo-fe sio dice:

LINGUA, SOLO UTI ID!

Glosa//What is Glosa?//¿Qué es Glosa?

CESÁRIA ÉVORA PA LOSE BIO

2011-12-17T21:21:00.013-02:00

Kabo Verde kanta-pe, u "sine-pedi-ve diva", Cesária Évora, pa lose bio, kausa kardia-spira no-sufici. Fe pa habe 70 anua.

Évora gene nati in di 27, M8, anua 1941, in Mindelo, kapitala de insula São Vicente, in landa Kabo Verde.
Talento ex fe infanti-tem, u kanta-pe pa registra disko solo in 1988, tem fe pa habe 47 anua, in Paris.

Po u-la tem, fe pa registra 11 musika-album. Recento pa es disko "Nha Sentimento", in 2009.

Majorita de pe pa kognoske fe in 1992, tem fe pa habe 50 anua, kausa fe musika-album tetra, "Miss Perfumado", e plu spektakula in Paris Civita Teatra. Kanta-pe pa habe six musika-album indika a premi Grammy, e fe pa vikto in 2004 u kategori "Munda Musika" ko "Voz d'Amor" [Fono d' Amo].

Fe morta es mega lose pro munda e maxi importa pro plu landa, qi dice u Portugal lingua, per qi fe pa kanta. Plus-co, fe pa kanta per Kabo Verde kreole e plu hetero lingua.

Na fu senti manko de fe per sentimenta tro famo a plu pe, qi dice u Portugal lingua: Saudade/Sodade!

Ci vi pote audi u kanta: É doce morrer no mar [Id es dulce mori in mari], ge-kanta ex Cesária Évora e Brasil kanta-pe Marisa Monte. E ci "Cabo Verde, terra estimada" [Kabo Verde, ge-amo landa].

Si vi ankora ne pa kognoske fe, audi fe e vi fu audi fo kali fono e plu fo kali kanta. Vale e gratia, Cesária!

Glosa//What is Glosa?//¿Qué es Glosa?

KEPLER-22b-PE: KLUDE VI SEDI-MO-ZO E DROMO! UN ANTROPO VENI EX LA!

2011-12-07T21:13:00.003-02:00

U spaci skope-do Kepler pa detekti in planeta sistema Kepler-22, dista 600 foto-anua, proto planeta situa in ge-nima "eko-posi area": Kepler-22b; in loka topo pe kredi; il es liqi hidro; pa anuncia NASA.

Planeta Kepler-22b (arti designa ex NASA)

A-nu pe ne ski; qod es komposi de planeta: si id sio es petro sorta, homo Geo, alo ge-komposi majorita per gasi, homo Jupiter. "U-ci es valu-nota in cerka pro neo Geo," pa afirma Douglas Hudgins, cefa de Kepler misio in NASA. Anti-co, plu skience-pe konfirma; u Kepler-22b habe 2,5 kron metri de Geo e un orbita cirka id astro per trajektori simi de na planeta. Id anua es 290-di kursi e id medio temperatura sio es proxi gradu 22ºC.

Kapitana Adama, fikti-pe de seri "Batalia Spaci-navi Galactica":
cefa de homi, qi pa lose milita kontra roboti-racia Cylon,
e nu an debi fero plu antropo a fabula koloni 13, alo, Geo.

Id es proto konfirma inter 54 ge-anunci eko-posi planeta ex misio, tem M2. Plu skience-pe pa anuncia, plus-co; u Kepler skope-do pa determina mo kilo neo kandidato a planeta, deka de mu habe metri simi a Geo e es in eko-posi area de astro de mu helio-sistema.

Preka-pe de spaci-navi. Fe dice: "Bio ci pa proto ex la."
Plu-la es proto verba de plu Kirio de Kobol,
in sakri pergamenta, pro homi in Galactica.

Na Geo-pe ne es abili te kura de na planeta e na volu detekti e posi in dista fu iti ad hetero, id ne sufici destru solo mo. Ho, Kepler-22b-pe! Lase na preka a plu Kirio de Kobol; antropo ne fu ariva la a vi! So pan na dice! So pan na dice!

Glosa//What is Glosa?//¿Qué es Glosa?

TETRA TEM

2011-12-06T23:03:00.003-02:00

U-ci tu fu detekti plus mo kanta de Tim Maia: "Prima-vera (Ki, pluvi)". In "Ali-ra per Glosa" klu es kanta u-an: "Azur Kolor' de u Mari". Si tu eko in nord hemisferi il es la sperma-tem pene frigi-tem, si, homo mi, tu eko in sud hemisferi, il es ci blasto-tem pene termo-tem.

Veri, in Brasil, na habe solo tetra tem in sud area de landa, in stato São Paulo e Mato Grosso do Sul e in plu monti area de Minas Gerais e Rio de Janeiro. In hetero area il es termo pene un holo anua e il es la tem sika e plus tem pluvi. In Amazonia area il ne es la fo varia in tem.

Nivi, qi koperi per leuko vesti u paisage. Flori, qi koperi per korona plu agri. Termo, tem tu pote no-koperi tu in litora e amusa tu sub heli-foto. Folia, qi kade e no-koperi plu fito... pan-co tetra tem posi dona a na, qo-ra tu ma-amo?

Ci-infra u kanta:

PRIMA-VERA (KI, PLUVI)

Tem un hiberna fu ariva la

Mi volu es ko tu veri ja

Posi reveni un autumna, ka

Mi volu es ko tu veri ja (kausa)

Mi... (id es prima-vera)

Mi amo tu (id es prima-vera)

Mi amo tu (id es prima-vera),
Mi ge-amo, ho!

Mi fero ci u-ci rosa (te don' a tu ja)

Mi ge-amo, ho!...

Nu-di un urani es ta kali (ki, pluvi)

(Id es prima-vera)...

Plus de blasto-tem (prima-vera), termo-tem (estiva), sperma-tem (autumna), frigi-tem (hiberna), alo "Tetra tem", audi: "Blasto-tem, de komposi-pe Vivaldi". Adi bi a bi e tu fu habe tetra, qi es qantita de "basi dina de natura". Pro audi kanta in portugese, klik la: "Prima-vera (ki, pluvi)".

Glosa//What is Glosa?//¿Qué es Glosa?

SILENTO!

2011-12-06T16:40:00.005-02:00

Kli in mi horti

plu: Nardus e rosa

e leuko Lilia. Mi anima fo tristi e non-hedo,

ab plu flori volu kripti id amari dolora.

Mi ne volu; plu flori gene ski

de plu tormenta, qi a mi dona u vita.

Si mu sio ski qod mi du sufero,

kausa mi plu algo, mu sio plora plus.

Silento! ka kli plu

Nardus e Lilia.

Mi ne volu; mu te gene ski de mi sufero,

ka si mu vide mi, kron mi plora, mu fu mori ja.

Si tu fu volu audi kanta in espanjol, kon Omara Portuondo e Ibrahim Ferrer, plu Kuba [Cuba] kanta-pe, iti a: "Silento!", iso ci . Si tu habe plus interese de kogni de plu-la kanta-pe, skope u vide-banda: Buena Vista Social Club, de Wim Wenders.

Glosa//What is Glosa?//¿Qué es Glosa?

MERCEDES SOSA: PLU STATUA

2011-12-05T03:27:00.009-02:00

U-la statua ne pa
audi de u-ci kanta!

Tem pluvi, a mi mu impresi, mi ne ski per qo ra,

plu statua.

Mu nuli-kron pote promenade in bina

kon umbrela.

E mu resta homo in penite,

solita.

Mu signala u fatali

in plu agora.

Mu gravi skope plu pusi babi-mobi

e plu eko-fe.

Mu ne ridi, ka mu pa habe

nuli-kron infanti-tem.

Mi vigila, tem tu kli,
a-kron mana.

Plu marioneta

Mega, qieta.

Ko mu ja nuli-pe ludi.

Anti-co, si mali skia

Pro holo-tem apo mu,

He! un algo, qi sio kade

Supra boni aero.

Ho! statua,
kura pro na!

Tem id pluvi e mi ki a kli,

plu statua

vigila, palidi, a-kron fu veni

u mana.

E de plu sonia de pusi avi

Mu es alexi-pe...

Proprio memo mu tenta dice

sine plu verba.

E mu a na demanda poko almo

de na skope mu,

kron mu volu nara a na konta

de na nati-lo.

Plu marioneta

Mega, qieta.

Ko mu ja nuli-pe ludi.

Anti-co, si mali skia

Pro holo-tem apo mu,

He! un algo, qi sio kade

Supra boni aero.

He! un algo sio kade...
... homo pluvi.

Mercedes Sosa, karo-nima: "La Negra" [U Nigri-fe], e "fono de plu sine-fono-pe", Argentina kanta-pe, (1935-2009). Klik la te audi u kanta: Las Estatuas [Plu Statua].

Po ge-grafo: Buenos Aires > buenos aires > (plu) boni aero.//Klik epi "Argentina natio-himno" te vide versio de id in Glosa.

Glosa//What is Glosa?//¿Qué es Glosa?

SENTIMENTA

2011-12-04T01:43:00.001-02:00

Mi proto grafo tu nima

Ko plu makaroni litera.

In disko, u supa gene frigi, ple de sqama

e ge-klina supra tabla panto-pe kontempla

u-ci romantici ergo.

Disgratia, manko mo litera,

mo litera, solo,
te fini tu nima!

-- Qe tu du sonia? Eke! atento; u supa gene frigi!

Mi pa du sonia...

E il es in pan este xanto mega info ra:
"In u-ci landa es ge-veto te sonia ja."

Carlos Drummond de Andrade, Brasil poeti-an, (1902-1987).

Glosa//What is Glosa?//¿Qué es Glosa?

KOMUNITA DE PLU LATINO-AMERIKA E KARIBE STATO

2011-12-02T19:16:00.001-02:00

Plu presidenti e representa-pe de 33 landa de Latino-Amerika reunio se, 2,D6 M12 2011, in Caracas, Venezuela, pro legi-forma u krea de Komunita de plu Latino-Amerika e Karibe Stato (brevi ur-nima: CELAC). Id es proto kron plu landa de kontinenta se nexu in un ipse politika plataforma -- ko buta face ma mega loka integra -- sine presenti de plu Amerika Ge-Unio Stato (USA) e de Canada. Plu pe dice; id es alo organiza anti un Organiza de plu Amerika Stato (brevi ur-nima OEA).

Si tu volu vide plu info de id, iti a: CELAC alo CELAC (TeleSURtv).

Glosa//What is Glosa?//¿Qué es Glosa?

NICANOR PARRA: UN ANTI-POETA-PE

2011-12-02T18:41:00.001-02:00

Tem an 97 eva, Chile "anti-poeta-pe" Nicanor Parra gania premi Cervantes, qi pe konsidera u maxi gravi de literatura in lingua espanjol.

EXAMINA

Qo es un anti-poeta-pe?:
U komerci-pe de plu morta-va alo sarkofago?

U preka-pe, qi kredi in nuli-ra?
U milita generali-pe, qi dubi de auto?
U vaga-pe, qi ridi de panto-ra
Klu de gero e de nekro?
Un inter-loqi-pe, qi habe mali karakteri?
Un an-dance-pe in margina de baratro?
U narkiso, qi amo panto-pe?
U fonako burla-pe
Delibera meskino?
U poeta-pe, qi kli in sedi-mo?
Un alkemi-pe de nu-di tem?
U revolutio-pe "de marsu"?
U pusi-burgeso?
U fenako-pe?
.................... u teo?
................................. un inocenti-pe?
Un agresti-pe ex Santiago de Chile?
Indika u frase; tu konsidera korekti.

Qo es un anti-poesi:
U tempestu in u tea tasa?
U nivi makula in u roka?
U fero-pla ple ko homi exkrementa
Komo kredi id u klerika Salvatierra?
U spekula, qi dice u veri ra?
U fo manu-kolpa epi prosopo
De Presidenti de plu Grafo-pe Societa?
(Teo tena an in An sankti regi-lo)
Un admoni a plu juve poeta-pe?
U per-jeti morta-va?
U per centra-fugi dina morta-va?
U per parafina gasi morta-va?
Un ardi kandela-ka sine morta-pe?

Marka per kruci
U deskribe; tu konsidera korekti.

Glosa//What is Glosa?//¿Qué es Glosa?

MI PUTA!

2011-12-02T13:16:00.003-02:00

Lase na dice poko "de", ne solo "per":

Mi puta; u verba puta es vexa verba pro espanjol e portugese dice-pe, kausa id semani "porno alo meretrici" in plu-la lingua.

Petunia, fikti-pe de pikto seri "Futurama". Fe puta, ka-co fe existe, minimo u-ci pa es qod fe pa gene ski ko mo ex fe plu "klienti", ge-nima Descartes...

In espanjol "mi/tu puta" sio es "meretrici u-mi/u-tu".

In hetero auxi-lingua, Esperanto, pe habe verba "farti", qi habe soni pro englisc dice-pe, homo vulga verba pro "batalo gasi". "Kiel vi fartas?" simi es "how do you fart?" [qo-mode tu gasi ex tu batalo?]. Mi buta ci ne es face de Glosa u ridi-ra, kausa mi puta; id es veri mo inter maxi boni auxi-lingua na posi detekti, mi solo volu diskusi de nece alo existe de u-la verba.

Mi puta; id es no-posi; na ne habe verba, qi es simi ad un hetero in hetero lingua e, qi habe difere semani [exempla: vide in tri natura lingua, portugese, magyar e indonesia; cerka semani de verba "bunda" in mu e tu fu habe idea de u ra, qi mi grafo]. Anti-co, qe id es valu lose pene (sate in italiano!) 500 miliona alo ma de posi dice-pe kausa solo mo verba in un auxi-lingua, ge-puta in avanti, pre id es ge-uti in qotidia?

Na posi uti "pensi" vice "puta". Mi ski; mi nuli-ra ski, mi pene puta (!), u-la supra es solo mi puta... Qe id es plus tu puta?

Po ge-grafo:

PUTA ex Latino: puto, putas, putare, putavi, putatum.
PENE ex Latino: paene/pene.

Glosa//What is Glosa?//¿Qué es Glosa?

MAPA DE BRASIL: QE ID FU MUTA?

2011-11-30T01:00:00.003-02:00

Fu Tapajós e Carajás e neo Pará in nu-di Pará area.

Di 11, M12, plu Brasil stato posi habe plu "neo ge-nati" sibi, kausa tem u-la di, plu in-pe de stato Pará fu decide si mu fu volu gene divide u stato in bi mero: Carajás* e Tapajós*. Pará sio resta homo ma mikro inter tri stato. Nu-di u giganti stato habe dimensio de 1.247.689,515 km² [qadra kilometra]. Pará es in Amazonia area, e nuki, qi pe in holo orbi kogni homo "Brasil nuki" [Brazil nut], la e in holo landa, habe nima "Pará nuki" [castanha-do-Pará].

Glosa//What is Glosa?//¿Qué es Glosa?

* Litera 'j' in lingua Portuges habe simi soni a 'j' in Français alo 's' in 'pleasure' de English. C soni es eqa K. U emfasi marka '´' homo in Pará deiko maxi fo silaba, u-ci, un ultima.

Po ge-grafo: Uf! Na ne nece merka neo plu carta, ka plu pe ne cepti proposi de divide stato.

ORDINARI ORBI

2011-11-29T02:36:00.001-02:00

Ci-infra vi fu trova veri ne translati, anti-co tenta de versio de kanta "Ordinary World", de grega Duran Duran. Qe pe posi kanta id? Vi fu dice de u-la, si vi fu kanta ja! Lase ki vi fono e kanta id uno-lo... klu si in dusca!

ORDINARI ORBI

Mi pa veni ex pluvi bronto-di

Epi dendro-via

Mi pa pensi; mi pa audi tu du loqi blandi

Mi sti plu lampa, u televisio

E u radio cepti-me

Ankora mi ne pote libe mi ab skeptra u-tu

Qo pa acide a panto u-la?

"Foli-pe", plu posi dice

Qo-lo es bio; mi rekogni ja?

Ge-ab in pa

Anti-co mi ne fu lakri kausa pa-di

Il es un ordinari orbi

Uno-mode mi debi trova u-la

E tem mi tenta face mi via

Ad un ordinari orbi

Mi fu gene ski te dura viv'

Pasio alo koincide

Pre-nu prompti tu te dice

"auto-lauda fu skizo bi de na"

Ben! nu auto-lauda pa ki ex fenestra

Id pa ki trans su plu stego-lofi

Id pa fugi

Id pa linqi mi in vaku de mi kardia

Qo du acide a mi?

"Foli-pe", plu posi dice

Qo-lo es mi amo-ami, tem mi nece tu maxi fo?

Ge-ab in pa

Anti-co mi ne fu lakri kausa pa-di

Il es un ordinari orbi

Uno-mode mi debi trova u-la

E tem mi tenta face mi via

Ad un ordinari orbi

Mi fu gene ski te dura viv'

Nova papira epi via latu

Dice a mi de sufero e gluto

Fobo nu-di, oblivio fu-di

Uuu!, ci, plus-co plu nova

De sankti milita e sankti nece

Id es solo pusi tristi dice de na

Anti-co mi ne fu lakri kausa pa-di

Il es un ordinari orbi

Uno-mode mi debi trova u-la

E tem mi tenta face mi via

Ad un ordinari orbi

Mi fu gene ski te dura viv'

Omni orbi

Es mi orbi, mi fu gene ski te dura viv'

Ali orbi

Es mi orbi, mi fu gene ski te dura viv'

Ali orbi

Es mi orbi

Omni orbi

Es mi orbi...

Pro skope e audi vide-banda de kanta, ki a: Ordinari Orbi, Duran Duran.

Glosa//What is Glosa?//¿Qué es Glosa?

ID NE ES SU-ANDRO LA...

2011-11-25T12:04:00.003-02:00

"MERKOZY", hibrida France-Deutschland su-antropo, qi fu salva Europa.

Dialoga de pikto supra la:

A. MERKEL: Vide la, Sarkozy! Qo-ra veni in kade ab urani? Qe es id un avi? Qe es id aeroplana?

N. SARKOZY: No, karo Merkel, kalma tu, kalma tu... id es u krisi!

Glosa//What is Glosa?//¿Qué es Glosa?

Po ge-grafo: u-la foto es ge-face ex Philippe Wojazer.
Qe tu du cerka Su-Andro? Klik la: Formula pro face hero.

QO-KA "ALI-RA PER GLOSA?"

2011-11-24T02:05:00.002-02:00

Pe posi qestio se ali kron: "Qo-ka u-ci inter-reti eko-lo nima es 'Ali-ra per Glosa?' Mi doxo; u lingua debi es pote de dice ali-ra, panto-ra per se. Il ne es "lingua integra de paci", alo lingua, qi dice solo de plu "angeli ra", alo ra, qi ne fu akti mali e disgusta ali-pe. Lingua debi es gru te funktio in filosofi, poesi, literatura, eqa pluso in milita pragma, pornografi, religio e klu in simpli panto-di plaka-formula! Un elekti de plu inter-reti nexu, qi es ci, es persona, ge-face ex mi, so plu habe-pe de eko-lo de nexu ne tena kulpa kausa de ra, qi mi grafo ci. Mi es u solo liabili-pe de plu ra, qi vi fu detekti in u-ci e-eko-lo e mi fu uti plu ra in Glosa solo te proba; id es lingua abili te dice de plu ra a plu pe, klu si mu ne es ge-konsidera boni alo kali ra e, per-co, mi fu respekta gramatika e plu regula de Glosa, anti-co mi prefere uti u lingua ma de diskusi de id: praxi, ne dice. So, mi fu uti id per idio mode, tem mi du tenta forma id homo funktio-ple vive lingua e ne solo plus un hetero auxi-lingua, qi fu ki ad in histori, sine plu pe, qi fu uti id. Mega gratia a vi, qi lekto plu ra, qi mi grafo. Qe es uno-pe la? Mi es ci, qe tu es la? Statistika posi menti: qanto es na nu?, qanto fu es na?

Glosa//What is Glosa?//¿Qué es Glosa?

MI PROTO TRANSLATI "PLU AVENTURA DE ALICE IN MIRANDA LANDA"

2011-11-23T01:28:00.001-02:00

Mi proto fosi kuni-fora...
Alice debi kade ad in id,
hetero-co na ne fu habe fe stori!

Mi fu tenta, gradu po gradu, face translati de bibli "Alice's Adventures in Wonderland". Si vi fu volu vide resulta de id, iti a: PLU AVENTURA DE ALICE IN MIRANDA LANDA.

Glosa//What is Glosa?//¿Qué es Glosa?

HIPER-SONI BOMBA

2011-11-21T13:49:00.000-02:00

Penta-gono -- cefa-do de plu milita krati de plu Amerika Ge-Unio Stato -- pa sti ski in 17, M11, 2011, id gene sucede in proba de super-soni bomba, qi fu dona a milita strategi-pe kapacita pro face id veni a topo ali-lo in orbi, tem mei de mo hora.

Ge-bali per raketa ex plu Hawaii insula, hora 11'30" GMT [Greenwich Meso Tem], Hiper-soni Avanti Bomba (AHW, in English) repti su Pacificum oceani "in soni-veloci" pre id kolpa id topo in mari-roka Kwajalein, to plu Marshall insula, pa info Penta-gono in deklara.

Kwajalein loka minimo 4 000 km sud-uest ex Hawaii. Penta-gono ne pa info per qi maxi veloci u topo gene kolpa.

Plu skience-pe qalifi homo hiper-soni veloci u-la, qi ki ultra "Mach 5" [Mach Veloci alo Mach (Ma) es metri unita de veloci. Pe deskribe id homo relati inter veloci de objekti e veloci de soni], alo penta kron u soni-veloci (6 000 km/h).

Buta de proba pa es kolekti plu info e data de "aero-dina, naviga, direkti e kontrola de plu termo alexi-teknologi", pa explika lokotenenta-kolonelo Melinda Morgan, Penta-gono dice-pe.

Pe qestio solo per fortuna: Qe vi nota; plu krati habe valuta te spende in milita alo milita arma, anti-co mu holo tem "ne habe" id te krea ergo, plu sko-do e kolegi alo lukta kontra fami e penia? Qe demo-krati es veri krati de popula? Plu indignados in Espania, anagaktismenoi in Helenia, 99%-pe in plu Amerika Ge-Unio Stato e protesta-pe in Arabi orbi habe uno-ra te dice de u-ci faktu a panto na.

Glosa//What is Glosa?//¿Qué es Glosa?

POLICA VIOLE KONTRA PLU 99%

2011-11-21T11:53:00.006-02:00

Piperi-spre ge-uti kontra stude-pe in UC Davis [California Universita]

Pe qestio: Qo exakti polica du alexi: mu legi a libe dice e paci kon-grega, alo plu ge-fali valuta e governa grega?

Si tu volu vide plus, iti a nexu: Polica-an du piperi-spre e aresta plu stude-pe in UC Davis alo Qo-pe tu servi?

Glosa//What is Glosa?//¿Qué es Glosa?

EGIPTI (Miṣr) HABE NEO KONFRONTA TEM PROTESTA KONTRA MILITA GREGA

2011-11-21T11:11:00.004-02:00

Akorda Sani Ministra, inter-konfronta de polica- e manifesta-pe pa kausa minimo

20 morta tem setimana-fini

Konfronta inter manifesta- e polica-pe pa re-acide u-ci D2 in peri-lo de Tahrir Agora, in kapitala Al-Qāhira. Plu Egipti-pe, qi pa protesta kontra milita grega, qi governa landa, seqe ge-loka in placia, simboli de protesta, qi pa vikto krati de Hosni Mubarak, po 30 anua in regula, tem M2.

Id es di tri in seqe de plu konfronta in Al-Qāhira. Akorda Sani Ministra, plu konfronta pa lase minimo 20 morta e 1 750 ge-noku pe tem setimana-fini. Polica- e milita-pe pa uti lakri-gasi e gumi buleta anti protesta grega, qi kontra pa bali lito e domi ge-face bomba. Plu testi-pe dice de panika vista, tem plu hekto milita- e polica-pe pa bate epi kefa de manifesta-pe, du tenta apo mu ex agora. Plu pe akusa sekuri-krati; mu pa fusili veri buleta, anti-co polica grega nega id.

Tem mo setimana pre parlamenta elekti, plu manifesta-pe akusa milita grega, qi pa akti pro kausa trans-iti a demo-krati; id volu tena politika pote in landa, po elekti de civi governa.

Glosa//What is Glosa?//¿Qué es Glosa?

MO BASI FORMULA PRO FACE "CAIPIRINHA"

2011-11-19T03:31:00.001-02:00

Caipirinha: tipika bibe-ma de Brasil.

TEM DE FACE:
5 minuta
DOSA:
Pro mo pe.
PLU MERO-RA:
* 60 ml de cachaça -- alkoholi bibe-ma ge-face ex Saccharum -- u soni de verba es: kascasa.
* 1 citro
* Sukro a volunta
MODE DE FACE:

Seka u citro per tetra mero e loka mu intra ge-krio bibe-va. Loka epi mu sukro e fria mu ko kura. Adi u "cachaça" e ple u bibe-va ko glacia.

BIBE KO MODERA, O PLU AMI!

Glosa//What is Glosa?//¿Qué es Glosa?

Po ge-grafo: dice "Caipirinha" plus alo minus "kajpirinja" e tu fu es proxi a dice de id. Anti-co, si tu fu es ebria, nuli-pe fu nota tu idio dice. Es alegro, lase na bibe!

E-TABLETA MA MIKRO-PRECI IN ORBI

2011-11-19T02:40:00.001-02:00

Un e-tableta veni ko Android sistema e fu es ge-vendo per mikro-preci in India. A-nu id habe ma de 300 mile reserva de pre-merka-pe. Produce societa tende positi id pro vendo in M12.

India stude-pe expo un e-tableta

Plu India universita stude-pe pa cepti pre mo meno plu proto modela de e-tableta, qi es ge-nima "Akash", u-ci semani "urani" in samskrtam lingua. Plu mekani es ge-face ex England societa Datawind, qi habe valuta-auxi de krati.

E-me, ko 350g de ponde, habe tange-sensi skuta de 7″ [″, polex-metri?] , Android sistema 2.2 e plus sine-fi inter-reti nexu. Ko id e-sti-me de 366 Mhz, un e-tableta posi tena lekto de e-bibli. Id plus habe bi USB [Universa Seria Komunika-mero] in-lo e 256 MB de RAM [Fortuna Acesi Memo] memo.

Glosa//What is Glosa?//¿Qué es Glosa?

U MAXI LEVIA METALI

2011-11-18T11:35:00.001-02:00

Neo metali ge-evolve ex plu recerka-pe de California Universita es ta levia; tem id es ge-loka supra fragili taraxakum id ne noku u-la fito. U metali, qi es hekto kron ma levia de ge-expande poli-estirene [komerci nima: isopor], es u maxi levia materia de munda, akorda u stude publika in skience jurnali Science.

Glosa//What is Glosa?//¿Qué es Glosa?

FRU SILENTO

2011-11-18T03:28:00.004-02:00

Plu verba homo viole

Frakti u silento

Mu veni krasc in

A mi pusi munda

Algo pro mi

Mu fora dia mi

Qe tu ne posi logi

O mi pusi ju-fe

Pan mi holo tem pa volu

Pan mi holo tem pa nece

Es ci in mi plu braki

Plu verba es fo

No-nece

Mu posi solo noce

Plu promise es ge-dice

Te es ge-frakti

Plu este es forti

Plu verba es trivia

Plu place remane

So homo un algo

Plu verba es futili

E no-memo digni

(tri kron)

Pan mi holo tem pa volu

Es ci in mi plu braki

Plu verba es fo

No-nece

Mu posi solo noce

Fru silento...

Tu posi audi ur-kanta in English: Enjoy the Silence, de musika grega Depeche Mode. Ur-textu: ci.

Glosa//What is Glosa?//¿Qué es Glosa?

Po ge-grafo. Kata la, mi proposi versio ma kanta-posi de mo stiko:

Pan mi holo tem pa volu

Pan mi holo tem pa nece

Es ci, in mi brak' ja

Plu verba es no-nece

Mu posi solo noce na

STUDE-PE KONFRONTA IN CHILE

2011-11-18T00:54:00.000-02:00

Konfronta inter plu manifesta-pe e polica pa acide in fini de stude- e doce-pe marca in Valparaíso, civita loka de Chile parlamenta, in proto de neo tem, qi fu dura 48 horo in protesta, ma de hexa meno po komence de plu manifesta pro publika e qalita eduka.

Glosa//What is Glosa?//¿Qué es Glosa?

NO-ODIO!

2011-11-17T02:13:00.001-02:00

UNHATE es proto kampania de Funda Unhate [No-odio], ge-krea ex vesti-kompani Benetton, e id buta es kontribu pro krea de tolera kultura, qi lukta kontra un odio in panto id forma.

Papa Benedictus XVI oskula un imam Ahmed Mohamed el-Tayeb

Kanta ko John Lennon: DONA A PACI UN OKASIO.

Na amo, ne milita!

Si tu volu vide plus, ki a: Funda No-Odio.

Glosa//What is Glosa?//¿Qué es Glosa?

PLU AVENTURA DE ALICE IN INFRA GEO - paragrafo mo.

2011-11-16T17:33:00.013-02:00

Alice pa du proto gene fatiga de sedi para fe fe-sibi in benca, e de habe nuli-ra te face: mo kron alo bi kron fe pa oku ad in bibli, qi fe sibi pa du lekto, anti-co id ne pa habe plu pikto alo konversa in id, e qo-lo es uti de bibli, pa puta Alice, sine plu pikto alo konversa? So fe pa es du konsidera in auto menta, (ta boni mode fe sio pote, kausa u termo di pa face fe sensi nistagmo e no-stimula), qu place de face belis-katena pa es valu turba de surge e ko-lekti plu belis, tem leuko kuni ko rosa oku pa dromo proxi fe.

Lewis Carroll, England grafo-pe, (1832-1898).

Po ge-grafo: tu posi vide u-la bibli per manu skripta: klik ci.

Glosa//What is Glosa?//¿Qué es Glosa?

PRE-NU IN LAKU MI PA KOL

2011-11-16T17:11:00.001-02:00

Sapora mi!

Pre-nu in laku mi pa kol,

pre-nu mi kali pa expo mi,

tem cigni mi pa es.

Pove, pove!

mode mela

e ge-usti forti!

Gira mi, re-gira mi u furka-pe;

piro usti mi forti;

nu servi-pe fero mi te es vora.

Pove, pove!

mode mela

e ge-usti forti!

Nu in skutela mi jace,

e vola mi ne posi;

mi vide plu krampa-denti.

Pove, pove!

mode mela

e ge-usti forti!

Musika mero de "Carmina Burana", de Carl Orff, komposi-pe de Deutschland, (1895-1982).

***

Po ge-grafo:

Un ur-textu in Latino:

OLIM LACUS COLUERAM

Olim lacus colueram,

olim pulcher exstiteram,
dum cygnus ego fueram.
Miser, miser!
modo niger
et ustus fortiter!

Girat, regirat garcifer;

me rogus urit fortiter;
propinat me nunc dapifer.
Miser, miser!
modo niger
et ustus fortiter!

Nunc in scutella iaceo,

et volitare nequeo;
dentes frendentes video.
Miser, miser!
modo niger
et ustus fortiter!

Tu posi audi "Olim lacus colueram", klik ci.

Glosa//What is Glosa?//¿Qué es Glosa?

LA PA STA PUELA

2011-11-16T16:49:00.005-02:00

La pa sta puela

in rubi tunika;
si ali-pe pa tange fe,

u tunika pa susura.
eia!

la pa sta puela,
homo pusi rosa;
fe facia pa splendi,
fe os pa flori.
eia!

Musika mero de "Carmina Burana", de Carl Orff, komposi-pe de Deutschland, (1895-1982).

***

Po ge-grafo:

Un ur-textu in Latino:

STETIT PUELLA
　
Stetit puella
rufa tunica;
si quis eam tetigit,
tunica crepuit.
eia!

stetit puella,
tamquam rosula;
facie splenduit,
os eius floruit.
eia!

Tu pote audi "Stetit puella" in Youtube: klik ci.

Glosa//What is Glosa?//¿Qué es Glosa?

U PIGRO STUDE-PE

2011-11-13T02:12:00.008-02:00

An dice no per kefa
Anti-co an dice ja per kardia
An dice ja ad u ra, qi an amo
An dice no a doce-pe
An sta ana
Pe qestio an
E panto problema es expo
Subito no-kontrola kakina tena an
E an apo pan
Plu cifra e plu verba
Plu datu e plu nima
Plu frasi e plu trapa
E anti plu menace de cefa
Infra plu kavila de miranda infanti
Ko poli-kolori kreta
Supra melano taba de melankoli
An designa un os de hedo.

Jacques Prévert, poeti-an ex France, (1900-1977).

Glosa//What is Glosa?//¿Qué es Glosa?

Po ge-grafo: mo kanta pro akompani u-la supra textu: On est comme on naît [na es homo na naske], de Algerie-France kanta-pe Ridan. Textu de kanta in France lingua: ci. Interese es plu proto stiko de kanta:

"J'ai pas toujours été un enfant sage
J'ai gravé ces colères au fil des pages
Tu sais celles qu'on oublie quand on grandit
Qui nous rendent raisonnables dans nos folies
J'ai pas souvent été le premier de la classe
En regardant par la fenêtre, le temps qui passe
En fixant ces instants comme dans la glace
En cherchant l'horizon dans une impasse"

Po ge-grafo 2:

Mi nu nu (di 26, M11) memo de hetero Français no-neo kanta de stude-pe, qi ne fo es ge-place de sta in sko-do: Excusez-moi, Mr. Le Professeur (Exkusa mi, senior doce-pe), anua 1966, e in M5, 1968, pa acide plu stude-pe revolta in France, qe ali nexu? :)

HEDO NATI-DI, CARL SAGAN!

2011-11-09T11:46:00.003-02:00

"Pe ne debi volu; u kosmo te es in no-defekti harmoni kon antropo ambitio."

Carl Sagan: (9, M11, 1934 – 20, M12, 1996)

No-poli famo-pe in skience pa face ma homo promoti de skience, logika, rationa e kritici kogita de Carl Sagan, qi na memo nu-di, kron okasio de an nati-di: 9, M11, 1934. Carl sio es 77-eva nu-di. Hedo nati-di, Carl!

"Si tu volu kuko pomi-torta ex prima kopi, tu debi proto eureka u kosmo."

Glosa//What is Glosa?//¿Qué es Glosa?

KRISO SATE - UN ALEXI ANTI PLU DEMONI E MAGI

2011-11-09T02:28:00.001-02:00

Plu Roma milita-pe pa habe epi se kriso sate te alexi anti plu demoni e magi.

Kriso sate.

Un amateuri arkeo-logi-pe, qi pa tena metali detekti-me in Norfolk, England, pa trova u pusi, solidi-kriso sate. Un artificia, ko dimensio de solo bi centimetra, es probabili mero de kola-zo pertine a ex-patri-landa Roma milita-pe. Plu simi kupra-zinka kola-zo pa es ge-trova in oligo loka ge-visita ex plu Roma milita-pe. Un orna-ra pa es, presume, tende pro aporta a plu milita-pe boni fortuna e alexi mu anti plu demoni e magi.

Un ur-texto es de "Science Illustrated".

Po joko ge-grafo: qe u-ci kausa, plu andro nima mu intra-ve: "orna-ra teka"?

Glosa//What is Glosa?//¿Qué es Glosa?

HONORA A MARIE CURIE IN GOOGLE

2011-11-08T01:34:00.001-02:00

Google inter-reti eko-lo pa honora u Polska-France kemi- e fisika-pe Marie Curie, per designa homo celebra de 144 aniversari de fe nati. Curie es ge-ski kausa fe proto-pe recerka de radio-akti. Fe pa es proto gina te es adjudika ko Nobel Premi e, ma gravi, proto persona de ambi sexu te es adjudika bi Nobel.

Honora designa de Marie Curie in Google.

Ge-nati in anua 1891 in Warszawa, Polska, un ergo de u-ci skience-pe fo-mega pa kontribu a nu-di kancera terapi. Fe pa face u “radio-akti teori” e pa evolve plu teknika pro lisi radio-akti atomi iso-topo. Fe pa heuresi un atomi elementa “polonium”, pa basi plu Curie Kolegia in Paris e Warszawa e, in anua 1932, fe pa basi Radium Kolegia in civita de fe nati, nu-di re-nima homo u Maria Sklodowska-Curie de Onko-logi.

Tem de vive in France, kron de Mega Munda Milita 1, fe pa gene mero-pe de Komiti pro Libe Polska. Kausa fe pa gene no-tegu a radio-akti tem de fe ergo, fe pa lose bio per no-plastika anemia in 1934, eva solo 44.

Glosa//What is Glosa?//¿Qué es Glosa?

BI-POLA PATO-PE PROBABILI ES KREA

2011-11-06T16:42:00.004-02:00

"Nuli mega genius pa es la sine speci de mania”, akorda Aristoteles. Nu, plu psiko-iatri detekti; es la veri in un Heleni filosofi-pe predika.

Plu recerka-pe, qi pa studa plu ergo de 300.000 pe ge-medika in pato-do pro menta pato, pa detekti; plu-la pe, qi pa habe bi-pola disordina pa es ma probabili te ergo in krea ergo. Mu famili-pe, qi ne pa habe menta pato, plus pa es ma probabili te es ge-implika in krea ergo, homo designa-pe, arti-pe, musika-pe, autori alo universita doci-pe.

“Nuli mega genius pa es la sine speci de mania”.

Bi-pola disordina, plus ge-nima homo: mania depresi, afekta cirka mo inter hekto (1%) de popula e id es ge-karakteri ex oscila in atitudi.

U nexu ko krea ergo plus pa tena veri pro plu sibi de pe ge-medika kausa skizo-mania. Plu trova-ra es ge-publika in “British Journal Of Psychiatry” [Britania Jurnali de Psiko-Iatri]. Doci-pe Kay Redfield to Johns Hopkins Medika Universita, pa grafo in jurnali: "Poli pe, qi es krea, ne habe menta pato, e poli pe, qi habe menta pato ne es rari krea. Id es, prefere; es la no-ratio tako de psiko-pato, speciali bi-pola disordina, in plu fo krea individu-pe."

Ur-textu de Jeremy Laurance, ex jurnali “The Independent”, D3, 01 de M11.

Glosa//What is Glosa?//¿Qué es Glosa?

QO TU SKI?

2011-11-06T15:05:00.002-02:00

Morta de Sokrates

Mi ski; mi nuli-ra ski.

Sokrates, paleo Helenia filosofi-pe, cita de Platon in bibli "Apologi a Sokrates".

Glosa//What is Glosa?//¿Qué es Glosa?

PLU ITALIA-PE DEMANDA RENUNCIA DE BERLUSCONI

2011-11-06T14:16:00.002-02:00

Un opositi grega re-dice; proto ministra-pe ne es abili te ki u landa ab ekonomi krisi. In reakti, Berlusconi dice; an ne fu renuncia e; an lukta kontinu.

Bi fe in nati kolori de Italia: "Silvio, tu 'fosi' Italia" e "Silvio, qo tu 'sate'?"

Plu mile pe pa kon-akti di seti de M11, in manifesta ge-konvoka ex Demo-krati Grega (PD – Partito Democratico) te demanda renuncia de proto ministra-pe de Italia, Silvio Berlusconi, in Roma. PD du demanda tem de poli meno u ki ab pote de Italia duce-pe. Akorda un opositi, Berlusconi ne plus habe suporta de parlamenta majorita, e an ne es abili te ki u landa ab ekonomi krisi. Protesta slogan pa es: “Re-stru, in nima de Italia popula”. Plu manifesta-pe fero, ad agora ante Katedrali de Roma Episkopa, nati kolori de Italia: rubi, kloro e leuko.

Protesta pa habe participa de poli opositi politika grega. Topo la, ambienta pa es de koleri, maxi importa kausa Berlusconi deklara; Italia krisi ne du acide, ka “plu vora-do es ple, e aeroplana e hoteli, pe-ple” Plu mega info-ra pa ironi plu verba de ministra-pe, e epi mu gene grafo: “Mi iti a plu vora-do, anti-co te lava disko".

Glosa//What is Glosa?//¿Qué es Glosa?

Po ge-grafo: Berlusconi fini pa renuncia 12 de M11, 2011, e so gene fini 17 anua de an skandali-ple politika kariera. Plu grega-pe pa krita kontra an plu verba homo "bufona!", "ki ab!", "vale, Silvio, tu ne fu manko a na!".

FRIGI MILITA: FINI RA DE PA?

2011-11-05T03:53:00.000-02:00

Plu governa-pe de Rosija pa sti ski plu ambitio skema de stru mo infra geo feru-via, qi fu nexu u-la landa a plu Amerika Ge-Unio Stato. U sine pre iso stru sio iti sub 105 kilometra de frigi aqa de Bering steno-via. Face sio habe diplo longi de English Kanali Tuneli, qi nexu Mega Britania a France. Postula valu es, solo tuneli per qi fu iti feru-via fu preci inter US$ (dolara) 10 e US$ 12 mile miliona, e id fu es ge-prepara po 10 a 15 anua.

Glosa//What is Glosa?//¿Qué es Glosa?

FELI IN KAMERA

2011-11-04T11:46:00.001-02:00

"Kron feli jace e kli in kamera, ne es plus multi ra pro un intra-dekora-pe te face la."

Tomas Tranströmer, literatura Nobel-premi anua 2011.

Glosa//What is Glosa?//¿Qué es Glosa?

PRO CHINA KLU UN URANI NE ES PLUS LIMITA

2011-11-03T01:26:00.002-02:00

Spaci-navi tipo Shenzhou.

Beijing pa sti ski; in anua 2012, id fu sti flo bi spaci-navi, mo inter mu ko grega, in mero de stru de id proto spaci-statio, qi posi gene prepara tem anua 2020. Akorda dice-pe de China spaci programa, Wu Ping, u sine-grega navi Shenzhou-8 fu gene bali per ge-muta raketa, de topo Jiuquan Satelita Bali-Centra, in Gobi sika-lo.

Glosa//What is Glosa?//¿Qué es Glosa?

ASTRO TREKO MA DINA DE RELIGIO...

2011-11-02T02:16:00.002-02:00

Dialogi inter bi fikti-pe de TV-seri "The Big Bang Theory" [U Mega Explode Teori]. U-la kapitula es deka de tem tet: "The Alien Parasite Hypothesis" [Un Aliena Parasiti Hipotesi]. In id, Amy e Sheldon diskusi motiva; kausa Amy du akti in bizari mode u-la tem.

Te es alo ne te es:
qo-ra es ma boni, plu fikti-ra de religio alo plu ra de skience-fikti?

Amy: Lase na skope u-ci per logika mode. Mi habe gastro: mi gene fami. Mi habe genita organi: mi habe pote pro sex'-surge.

Sheldon: U kroci na panto debi fero... Tu ski; in tem no-facili simi ad u-ci, mi freqe gene versi a dina ma mega de mi.

Amy: Religio?

Sheldon: Astro Treko. Qe tu pa vide "Astro Treko: U Kine-Pikto"?

Astro Treko grega.

Amy: No.

Sheldon: Ne vide id. Id es horibili. Anti-co, in id, na gene ski; kron Spock detekti se devia ab logika via per plu este, qi ebuli de an antropo semi, an sto mu per uti u Vulkani menta disciplina de Kolinahr.

Amy: Qe tu sugesti; na vive na bio ge-duce ex plu filosofi na pa detekti in pusi-valu skience-fikti?

Sheldon: Pusi-valu skience-fikti???

Sheldon Cooper du face Kolinahr.

Amy: Qo tu du face?

Sheldon: Mi du uti Kolinahr te sto mi koleri kausa u-la pre komenta.

Senior Spock in ritu de Kolinahr.

Glosa//What is Glosa?//¿Qué es Glosa?

FAMO FIKTI CITA - deutero

2011-11-02T02:15:00.002-02:00

Es long-eva e prosperi!

Senior Spock: fikti-pe de "Astro Treko"; in-pe de planeta Vulkani.

Glosa//What is Glosa?//¿Qué es Glosa?

FAMO FIKTI CITA - proto

2011-11-02T02:06:00.003-02:00

Asterix e Obelix: plu no-mei Galia-pe.

Plu-la Roma-pe afola se!

Glosa//What is Glosa?//¿Qué es Glosa?

LULA HABE KANCERA

2011-10-30T11:12:00.003-02:00

Un ex-presidenti de Brasil, Luiz Inácio Lula da Silva, pa habe medika-examina, qi monstra; an habe kancera in laringi. An fu tenta kura se per kemi-terapi.

Lula

Nu presidenti-fe, Dilma Rousseff, pa bali info a ex-presidenti; e fe pa desira ad an rapidi sani-rekupera. Anua 2009, pre es presidenti, Dilma plus habe kancera (ganglio-onko) e pa se kura in ipse pato-do, topo Lula fu kura se.

Glosa//What is Glosa?//¿Qué es Glosa?

LAKRI-GASI? UUF! LA ES SALCICIA, U REBELI KANI DE ATHENA.

2011-10-10T17:13:00.007-03:00

La id es, du krita ko delekta tem plu juve-pe sti bali mero de pedi-via lito, id du voci monito a grega de polica-pe, qi se protekti anti plu benzina-bomba, id sternuta kron id dromo rapidi per lakri-gasi nefo.

Kogni Salcicia!, u rebeli kani, un ami zingiber-kroma derelikta kani, qi habita in Syntagma Agora in centra Athena, e qi ne se importa si tu veni pro mo di de rabi, favo kaso id posi unio se ko panto-pe la.

Ali-kron es anti-monstra, Salcicia es la, panto-tem para plu protesta-pe e alegro id fero sensi de komika apo-algo a no-freqe viole procede.

U-la gene id u loka famo. Id pa gene vista in ante pagina de pene panto Helenia jurnali e id pa oscila id kauda epi plu televisio skuta e inter-reti eko-lo peri orbi.

Tem plu stato ergo-pe marca anti reduce-spende, Salcicia pa es in id more topo in ante, to id inkoragio poli-pe per mega “Gav!” (Heleni verba pro ”Uuf!” - soni pro voci de kani), e id gene lose-pedi plu polica-pe, kron mu veni anti plu pe, in rapidi gradu.

Nota bene: es plu pe, qi nima id Kanellos: nima de fito Cinnamomum [zeylanicum].

Glosa//What is Glosa?//¿Qué es Glosa?

STEVE JOBS PA LOSE BIO

2011-10-06T02:10:00.011-03:00

Di 5 in M10, pa lose bio, 56-eva, Steve Jobs, proto-pe e pre nu presidenti de teknologi-societa Apple. U-la face-pe suferi kausa kancera, e an pa es in tem de medika lice ab komence de M2, in fini de M8, an pa ki ab komanda de Apple.

Para komanda de Apple e krea plu sucede ge-produce-ra (plu inter mu nexu a muta in modela de plu gravi marketa), exempla: puta-me MacBook, e-soni-me iPod, e-bo iTunes, tekno-telefona iPhone, e-tableta iPad, Steve Jobs plus pa es mo inter krea-pe de kine-pikto ergo-lo Pixar.

U face-pe pa es marita de Laurenne Powell, qi an pa kogni ankora tem de kolegi, pa es la 30 anua. An linqi tri an-fili de game ko Laurenne, ultra mo fe-fili de pre relati.

Ge-morda pomi: Apple simboli.

In duce-pagina de Apple na pote lekto:

“Apple pa lose pre-vide-pe e krea genius, e munda pa lose mira antropo. Plu-ci inter na, qi pa habe sufici boni fortuna de kogni e ergo ko Steve pa perdi karo ami e stimula duce-pe. Steve linqi societa, qi solo an pa pote face, e an spiritu fu holo tem es basi de Apple.”

Kata la, bi frase de Steve Jobs:

“Te sucede, id es nece veri amo u-la, qi na face. Mode kontra, si na kura solo rationa latera, tu simpli cede. Id es u ra, qi acide a majorita de pe.” – anua 2007, kron celebra de Wall Street Journal.

“Nuli-pe volu lose bio. Klu plu pe, qi volu veni a Paradiso, ne volu lose bio te es la. Anti-co, anti u-la, morta es fata de panto na. Nuli-pe nuli-kron pa libe se. E id debi es so, ka morta es posi major inventi de bio. Id es bio-muta akti-ra. Id nuli plu paleo-pe e aperi via a neo-pe.” – anua 2005, kron diskusi in Stanford Universita, po mo anua an pa habe kirurgi te apo onko in pankreas.

Glosa//What is Glosa?//¿Qué es Glosa?

UMBRELA... ELA... ELA...

2011-08-25T14:16:00.004-03:00

Un andro pa saluta un hetero, in kafe.
-- Mi suspici; na pa kongnoske na, in eko-lo de Olavo.
-- Mi ne memo.
-- Anti-co mi es certa. Pa mo meno, plus alo minus.
-- Qo-mode tu pa rekogni mi?
-- Kausa u pluvi skuta.
-- Anti-co, in u-la tem, mi ne pa habe pluvi skuta...
-- Reali, anti-co mi pa habe...

Barão de Itararé (pseudo nobili-pe nima); veri nima: Aparício Fernando de Brinkerhoff Torelly (1895 – 1971). Jurnalisti, grafo-pe e proto-pe de politika humoro in Brasil.

Glosa//What is Glosa?//¿Qué es Glosa?

KAPITALISMO-PIRAMIDI

2011-08-04T00:06:00.005-03:00

Nota: u-ci ne es un idea-logi blog.

Glosa//What is Glosa?//¿Qué es Glosa?

UNIVERSA DEKLARA DE PLU JUSTI DE ANTROPO: ARTIKLA I

2011-07-15T19:53:00.004-03:00

Artikla I

Panto-pe gene nati libe e iso in digni e in plu justi. Mu es rationa e auto-kritiki habe-pe e debi akti in relati de mo ad hetero ko tende de sibi-ra.

Glosa//What is Glosa?//¿Qué es Glosa?

U SONIA DE PAPILIO

2011-07-15T19:12:00.005-03:00

Mo kron Zhuangzi pa sonia an pa es papilio, qi pa vola rapidi a ci e a la, hedo ko se e du face u-la, qi pa dona hedo ad id. An ne pa ski; id pa es Zhuangzi. Subito, an pa sti vigi e la pa es an, solidi ed evidenta Zhuangzi. Anti-co an ne pa ski; si an pa es Zhangzi; qi pa sonia an pa es papilio, alo u papilio, qi du pa sonia id pa es Zhuangzi. Inter Zhangzi e u papilio debi es ali difere! U-la pe nima u Muta de plu Ra.

Chuang-Tzu/Zhuāngzǐ, Tao filosofi-pe. (ur-versio de textu: Burton Watson).

Glosa//What is Glosa?//¿Qué es Glosa?

NANO STORI: EXPLIKA MA DE NECE, DE PAPILIO

2011-07-15T18:43:00.005-03:00

EXPLIKA MA DE NECE, DE PAPILIO

Sembla ero lisi papilio ab eruka, qi id pa es, ab pupa alo klu ab derelikta blasto. Panto ankora es in id. Iso mode, posi es ero lisi id ab u-la, qi id fu es, ali-ra u-la fu es. No-posi lisi id ab sonia de Chang-Tzu. U papilio es u zoa Tao-adepto, qi fikti dura mo di.

Textu e designa: Caco Xavier.

Glosa//What is Glosa?//¿Qué es Glosa?